Poetry Widget:  Alciato - Cato - Desbillons - Horace - Martial - Owen - Phaedrus - Vergil - Wegeler - Misc.

Martial

Non est, crede mihi, sapientis dicere 'Vivam'

     sera nimis vita est || crastina: vive hodie.

Source: Martial - elegiac - I.15 (Dictionary Help)

Non amo te, Sabidi, nec possum dicere quare:

     hoc tantum possum || dicere, non amo te.

Source: Martial - elegiac - I.32 (Dictionary Help)

Odi dolosas munerum et malas artes;

imitantur hamos dona: namque quis nescit

avidum vorata decipi scarum musca?

Source: Martial - iambic - V.18 (Dictionary Help)

Extra fortunam est quidquid donatur amicis:

     quas dederis solas || semper habebis opes.

Source: Martial - elegiac - V.42 (Dictionary Help)

Quem recitas meus est, o Fidentine, libellus:

     sed male cum recitas, || incipit esse tuus.

Source: Martial - elegiac - I.38 (Dictionary Help)

Semper pauper eris, si pauper es, Aemiliane:

     dantur opes nullis || nunc nisi divitibus.

Source: Martial - elegiac - 5.81 (Dictionary Help)

Cur non mitto meos tibi, Pontiliane, libellos?

    ne mihi tu mittas, || Pontiliane, tuos.

Source: Martial - elegiac - 7.3 (Dictionary Help)

Aera domi non sunt, superest hoc, Regule, solum

    ut tua vendamus || munera: numquid emis?

Source: Martial - elegiac - 7.16 (Dictionary Help)

Nubere Paula cupit nobis, ego ducere Paulam

       Nolo: anus est. Vellem, || si magis esset anus.

Source: Martial - elegiac - 10.8 (Dictionary Help)

Hunc servare modum nostri novere libelli,

       Parcere personis, || dicere de vitiis.

Source: Martial - elegiac - X.33 (Dictionary Help)

Cras te victurum, cras dicis, Postume, semper:

     dic mihi, cras istud, || Postume, quando venit?

Quam longe cras istud! ubi est? aut unde petendum?

     Numquid apud Parthos || Armeniosque latet?

Source: Martial - elegiac - V.58 (Dictionary Help)

Sunt bona, sunt quaedam mediocria, sunt mala plura

     quae legis hic: aliter || non fit, Avite, liber.

Source: Martial - elegiac - 1.16 (Dictionary Help)

Non sunt longa quibus nihil est quod demere possis,

     sed tu, Cosconi, || disticha longa facis.

Source: Martial - elegiac - II.77 (Dictionary Help)