| 
  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

widget_owen

Page history last edited by Laura Gibbs 14 years, 6 months ago

 

Poetry WidgetAlciato - Cato - Desbillons - Horace - Martial - Owen - Phaedrus - Vergil - Wegeler - Misc.

 

Latin Verse of the Day:

 

Owen's Epigrams

 

These poems come from the epigrams of John Owen, a remarkable figure of the Latin poetry Renaissance, who was known under various Latin names: Joannes Oweni, Joannes Ovenus and even Joannes Audoenus. There is a lovely edition of the epigrams, in both Latin and English, which Dana Sutton has put online: The Epigrammata of John Owen (Ioannis Audoenus) (1606 - 1613). You can also find a nice edition at GoogleBooks.

 

Rerum regina est ratio, naturaque mater.

     Naturam ratio || nos iubet ergo sequi.

Source: Owen 3.72 (Dictionary Help)

 

Non vixisse diu vita est, at vivere vita est.

      Quid iuvat ergo diu || vivere, deinde mori?

Source: Owen 3.55 (Dictionary Help)

 

Immensus Deus est, quia scilicet omnia mensus.

      Innumerabilis est, || unus enim Deus est.

Source: Owen 3.20 (Dictionary Help)

 

Mortuus ut vivas, vivus moriaris oportet:

      Assuesce ergo prius || quam moriare mori.

Source: Owen 3.49 (Dictionary Help)

 

Principium dulce est, at finis amoris amarus;

     laeta venire Venus, || tristis abire solet.

Flumina quaesitum sic in mare dulcia currunt;

     postquam gustarunt || aequor, amara fluunt.

Source: Owen 1.13 (Dictionary Help)

 

Saepe rogas, 'Quot habes annos?' respondeo: 'Nullos.'

     Quomodo? quos habui, || Pontice, non habeo.

Source: Owen 3.114 (Dictionary Help)

 

Illa mihi patria est ubi pascor, non ubi nascor,

      Illa ubi sum notus, || non ubi natus eram.

Source: Owen 7.100 (Dictionary Help)

 

Flumina fluminibus distant, sic nos quoque nobis,

      Dum sumus in vita || nos, fluviique via.

Ingressus pelagum sapor amnibus omnibus idem,

      Mors omnes homines || aequat, ut aequor aquas.

Source: Owen 5.80 (Dictionary Help)

 

Est amor in nobis, in lignis ut latet ignis,

     ignis uti lignum, || nos levis urit amor.

Ligna sed in cineres vanescunt, ignis in auras;

     nos cinis, et noster, || quid nisi fumus, amor?

Source: Owen 4.229 (Dictionary Help)

 

Sole oriente, tui reditus a morte memento.

      Sis memor occasus, || sole cadente, tui.

Source: Owen 5.39 (Dictionary Help)

 

Sum crudus, vocor inde cruor, per corpora curro.

     Volvor, et in venis || sanguis ut anguis eo.

Source: Owen 7.29 (Dictionary Help)

 

Pauper in orbe parum, mendicus nil habet usquam,

     dives habet nimium. || Quis nisi nemo satis?

Source: Owen 7.35 (Dictionary Help)

 

Pendentes agimus vitas in littore mortis,

      Tam prope mors vitae est, || quam prope margo mari.

Una fere res est homini mors vitaque, sicut

      Efficiunt unum || terraque et unda globum.

Source: Owen 4.247 (Dictionary Help)

 

Longa dies ignavo homini, nox longa videtur,

      Et longi menses, || longior annus abit.

Tempus inutiliter terimus, dum longa videntur

      Tempora. Cur vitam || dicimus ergo brevem?

Source: Owen 4.238 (Dictionary Help)

 

Dum mortem vitare studet, vitamque tueri,

     se toto vitae || tempore torquet homo.

Bruta bonis fruitur praesentis bestia vitae;

     dum vivit, vivit; || cum moritur, moritur.

Source: Owen 9.44 (Dictionary Help)

 

Heu quantum in terris dominatur opinio: verum

      Me nescire putas, || et dubitare vetas.

Qui dubitat non errat, adhuc in utrumque paratus.

      Error opinando, || non dubitando venit.

Source: Owen 4.221 (Dictionary Help)

 

Gaudia post luctus veniunt, post gaudia luctus.

      Semper in ambiguo, || speve metuve, sumus.

Source: Owen 4.218 (Dictionary Help)

 

Ad mortem sic vita fluit, velut ad mare flumen.

      Vivere nam res est || dulcis, amara mori.

Source: Owen 1.32 (Dictionary Help)

 

Pro patria sit dulce mori licet atque decorum.

      Vivere pro patria || dulcius esse puto.

Source: Owen 1.48 (Dictionary Help)

 

Sola dolenda reor praesentia damna. Dolemus

      Praeterita heu nimium || sero, futura cito.

Source: Owen 4.217 (Dictionary Help)

 

Ne pereat tua fama struis tibi, Paule, sepulcrum,

      Tanquam non possint || ipsa sepulcra mori.

Source: Owen 1.57 (Dictionary Help)

 

Mors quid sit, rogitas? Si scirem, mortuus essem.

      Ad me, cum fuero || mortuus, ergo veni.

Source: Owen 1.101 (Dictionary Help)

 

Troiani eversa sapuerunt denique Troia.

      Quis non Troianum || se fateatur in hoc?

Source: Owen 2.10 (Dictionary Help)

 

In somnio quamquam simulo pro tempore mortem,

      Non est pars vitae || dulcior ulla meae.

Permirum est in morte igitur quid tam sit amarum,

      Tam dulcis cum sit || mortis imago sopor.

Source: Owen 4.193 (Dictionary Help)

 

Livor edax hominum vivorum encomia carpit,

      Ut defunctorum || corpora vermis edit.

Source: Owen 4.191 (Dictionary Help)

 

Virtutem genii duo semper in orbe sequuntur,

      Hic bonus, ille malus, || gloria et invidia.

Source: Owen 4.190 (Dictionary Help)

 

Quod reges audire timent, ac dicere servi,

      Ipsa tibi dicit || fama, memento mori.

Source: Owen 4.115 (Dictionary Help)

 

Unus Pellaeo iuveni non sufficit orbis.

      O iuvenis! Mundo || mens tibi maior erat.

Uni Pellaeus iuvenis non sufficit orbi,

      Magnus Alexander, || sed tamen orbe minor.

Source: Owen 2.78 (Dictionary Help: Pellaeus = Alexander the Great)

 

Nascitur in certam miserandus homuncio mortem,

      Ut macer in campo || bos, ut edatur, edit.

Source: Owen 4.112 (Dictionary Help)

 

Plus tibi pollicitis praestandum, non minus, unde

     Una data est homini || lingua, manusque duae.

At tu nil praestas, promittis plurimam, tanquam,

     Marce, duae linguae || sint tibi, nulla manus.

Source: Owen 4.23 (Dictionary Help)

 

Maximus hic regum, doctissimus ille sophorum,

      Magnus Alexander, || maior Aristoteles.

Doctus Alexandrum meliorem reddidit ille,

      Non hic maiorem || magnus Aristotelem.

Source: Owen 2.155 (Dictionary Help)

 

Nil aliud saturae quam sunt epigrammata longa.

      Est praeter saturam || nil epigramma brevem.

Nil saturae, si non sapiant epigrammata, pungunt,

      Ni saturam sapiat, || nil epigramma iuvat.

Source: Owen 2.181 (Dictionary Help)

 

Infligat Mars multa licet tibi vulnera, non tam

      Mars nocet armatus, || quam tibi nuda Venus.

Source: Owen 2.206 (Dictionary Help)

 

In tam diversis cum sit concordia chordis,

      Tam discors hominum || non pudet esse genus?

Source: Owen 2.211 (Dictionary Help)

 

Latus ad occasum, unquam rediturus ad ortum,

      Vivo hodie, moriar || cras, here natus eram.

Source: Owen 3.14 (Dictionary Help)

 

Est in Evangelio, verum sine nomine, dives,

      Pauper ubi aeternum, || Lazare, nomen habes.

Source: Owen 3.18 (Dictionary Help)

 

Unio divina est, divisio Daemone nata.

      Unus enim Deus est, || daemones innumeri.

Source: Owenn 3.20 (Dictionary Help)

 

Spiritus huc, illuc miserum caro me trahit: in me

      Divisum imperium || cum Iove Caesar habet.

Pax vobis: siquidem vos inter amabilis esset

      Pax semel, in toto || pax simul orbe foret.

Source: Owen 3.22 (Dictionary Help)

 

Sit verbum vox viva licet, vox mortua scriptum.

      Scripta diu vivunt, || non ita verba diu.

Source: Owen 3.208 (Dictionary Help)

 

Ut nulli nocuisse velis, imitare columbam,

      Serpentem, ut possit || nemo nocere tibi.

Source: Owen 3.195 (Dictionary Help)

 

Caeca dea est rerum rectrix, Fortuna vocatur.

      Non minus at caeci, || quos dea caeca regit.

Source: Owen 12.20 (Dictionary Help)

 

Magna quidem virtus nummis est posse potiri.

      Scire uti maior, || maxima velle frui.

Source: Owen 10.88 (Dictionary Help)

 

Nec paupertatem nec opes desidero magnas,

      Nolo parum, nimium || non volo, sat mihi sat.

Source: Owen 10.68 (Dictionary Help)

 

Viventi mors obrepit, iuvenique senectus.

      Horaque dum quota fit || quaeritur, hora fugit.

Source: Owen 10.3 (Dictionary Help)

 

Discurrit canis in terra, piscisque profundo

      Innatat, ad caelos || avolat ales avis.

Fertur in occultum sapiens cum pisce profundum,

      Ambitiosus avi || par, avidusque cani.

Source: Owen 9.88 (Dictionary Help)

 

Differt non aufert mortem longissima vita.

      Quid differt igitur || cras hodieve mori?

Source: Owen 9.29 (Dictionary Help)

 

Dupliciter miser es, quia felix ante fuisti.

      Dupliciter felix, || qui fuit ante miser.

Source: Owen 3.157 (Dictionary Help)

 

Ut solide sapiat, nulli sua sufficit aetas,

      Mors prius a tergo, || quam sapiamus, adest.

Source: Owen 3.155 (Dictionary Help)

 

Qualis sit talem se nemo intelligit. Atqui

      Se meminit puerum || vir, iuvenemque senex.

Source: Owen 3.154 (Dictionary Help)

 

Plorabas cum natus eras, fuit ergo voluptas

      Nulla tibi nasci, || cur dolet ergo mori?

Source: Owen 3.192 (Dictionary Help)

 

Fata regunt fatuos, sapiens dominabitur astris:

      Non fatum, at fato || se regit ipse suo.

Source: Owen 3.186 (Dictionary Help)

 

Qui bene fecerunt, illi sua facta sequentur.

      Qui male fecerunt, || facta sequentur eos.

Source: Owen 3.148 (Dictionary Help)

 

Saepe ego de Veneris iuvenes brevitate querentes

      Audivi, et vitae || de brevitate senes.

Vita voluptatis brevis est, vitaeque voluptas.

      Qui pariter parvi || pendit utramque, sapit.

Source: Owen 3.147 (Dictionary Help)

 

Incepto fratrem Cain orbe occidit Abelem,

      Incepta fratrem || Romulus urbe Remum.

Roma Remi polluta recens, ut mundus Abelis

      Sanguine, principium est || orbis et urbis idem.

Source: Owen 3.141 (Dictionary Help)

 

Iudice me, soli semperque perinde beati

      Sunt, quicumque sciunt || omnia, quique nihil.

Source: Owen 3.134 (Dictionary Help)

 

Concurrat veterum licet in te turba, potes tu

      Hac omnes una || vincere voce: nego.

Source: Owen 3.173 (Dictionary Help)

 

Omnia fert aetas secum, aufert omnia secum.

      Omnia tempus habent, || omnia tempus habet.

Source: Owenn 3.131 (Dictionary Help)

 

Nil temere facias, timide nihil, omnia caute,

      Cuncta cito, sero || nil, subitoque nihil.

Natura es timidus? Fortem prudentia reddet,

      Nemo cavenda timet, || qui metuenda cavet.

Source: Owen 3.172 (Dictionary Help)

 

Mille modis morimur mortales, nascimur uno.

      Sunt hominum morbi || mille, sed una salus.

Source: Owen 3.119 (Dictionary Help)

 

Non prius auferres prolem quam, dura, parentem,

      O mors, naturam || si sequerere ducem.

Naturam in vita, naturam in morte sequamur:

      Vult natura hominem || vivere, vultque mori.

Source: Owen 3.111 (Dictionary Help)

 

Sermones crebri morum sunt signa malorum.

      Nam quid opus verbis || est, ubi facta vides?

Source: Owen 3.110 (Dictionary Help)

 

Cor nisi cura nihil. Caro nil nisi triste cadaver.

      Nasci aegrotare est, || vivere saepe mori.

Source: Owen 3.109 (Dictionary Help)

 

Vir sapiens plerumque bono est sapientior, esto

      Dummodo sit melior || vir sapiente bonus.

Source: Owen 3.108 (Dictionary Help)

 

Vis bonus esse? Velis tantum, fiesque volendo.

      Is tibi posse dabit, || qui tibi velle dedit.

Source: Owenn 3.106 (Dictionary Help)

 

Seu mortis venit, seu nondum venerit, hora,

      Culpa est nolle mori, || culpaque velle mori.

Source: Owen 3.104 (Dictionary Help)

 

Quaerito virtutes, virtutum spernito laudes:

      Nominis est etenim || gloria, non hominis.

Source: Owen 3.102 (Dictionary Help)

 

Vivere vix quid sit novi: mirum nil ergo,

      Si quid sit nasci || nescio, quidve mori.

Source: Owen 3.100 (Dictionary Help)

 

Cum mihi sit casus prudentia nulla futuri,

      Quid speremve boni, || quid metuamve mali?

Non despero tamen, cum spe mihi spiritus exit:

      Producit vitam || spes mihi longa brevem.

Source: Owen 3.99 (Dictionary Help)

 

Non est in verbis virtus, at rebus inhaeret:

      Res sunt non voces || spes, amor, atque fides.

Source: Owen 3.96 (Dictionary Help)

 

Nemo repente bonus: lente properare memento,

      Virtutis quamvis || ingrediare viam.

Utile consilium fit inutile festinanti.

      Collige primo animum, || corrige deinde tuum.

Source: Owen 3.85 (Dictionary Help)

 

Fit melior laundando bonus, peiorque malignus,

      Cautior astutus, || simplicior stolidus.

Source: Owen 3.84 (Dictionary Help)

 

Est domi ubique bonus, sapiens non exulat usquam.

      Omne solum forti || patria, et omne salum.

Exilium est ubicumque male est, patria est, ubi contra.

      Patria ubique bonis, || exiliumque malis.

Source: Owen 3.81 (Dictionary Help)

 

Sanctorum vitas legere et non vivere frustra est.

      Sanctorum vitas || degite, non legite.

Source: Owen 3.80 (Dictionary Help)

 

Crimina qui cernunt aliorum, nec sua cernunt,

      Hi sapiunt aliis, || desipiuntque sibi.

Source: Owen 3.79 (Dictionary Help)

 

Est male nunc, utinam in peius omnia vertat.

      Succedunt summis || optima saepe malis.

Source: Owen 3.181 (Dictionary Help)

 

Stulta haec invidia est, cui cuncta recentia sordent.

      Invida stultitia est, || cui nova sola placent.

Source: Owen 3.76 (Dictionary Help)

 

Libertas, infanda loqui, tibi sola videtur.

      Libera lingua sat est || cui tacuisse licet.

Source: Owen 3.74 (Dictionary Help)

 

Praeteriti spes nulla manet, spes sola futuri:

      Res abeunt sine spe, || spes redeunt sine re.

Dum nos praeteriti dolor angit, cura futuri,

      Bellua quod praesens || est capit, illa sapit.

Source: Owen 3.71 (Dictionary Help)

 

Mori incertarum rerum certissima. Cunctis,

      Incertum quando, || certum aliquando mori.

Nullus ab occasu procul est homo, nullus ab ortu.

      Nec tamen illius, || nec memor huius homo.

Source: Owen 3.68 (Dictionary Help)

 

Amentes fiunt studiosi scire studentes:

      Nemo fit insanus, || qui studet esse bonus.

Source: Owen. 3.67 (Dictionary Help)

 

Tempore Troiani belli si nata fuisses,

      Digna fuit causa || Troia perire tua.

Source: Owen 2.116 (Dictionary Help)

 

Trita magis iuris quam iustitiae via, quanquam

      Iuris iter longum, || iustitiaeque breve est.

Source: Owen 3.56 (Dictionary Help)

 

Hoc quod adest hodie, quod nomen habebat heri? Cras.

      Cras hodie quodnam || nomen habebit? Heri.

Cras lentum quod adest nunquam, nec abest procul unquam,

      Quonam appelletur || nomine cras? Hodie.

Source: Owen 3.50 (Dictionary Help)

 

Sic, velut in muros mures, in pectora Daemon

      Invenit occultas, || aut facit ipse, vias.

Source: Owen 3.48 (Dictionary Help)

 

Mors vitanda malo, sancto invitanda, malorum

      Ultimus est finis, || vel sine fine malum.

Source: Owen 3.42 (Dictionary Help)

 

 

 

 

Comments (0)

You don't have permission to comment on this page.